校長燒肉日韓料理 (觀塘廣場)

Open Now

Now Closed

同朋友相聚當然唔少得食放題🤩 而呢間位於觀塘廣場嘅餐廳就提供日韓燒肉火鍋兩食套餐！整體環境闊落，食物種類繁多，有齊世界各地嘅美食，仲可以任食雪糕，任飲啤酒，呢個價錢食到咁嘅質素絕對值回票價啦～自助區主要分為六大部分，熟食區有炸物、中式點心、小炒、另一邊係魚生、壽司、前菜、沙津等，仲有火鍋、燒烤配料、甜點同飲品區域！款式遠超於酒店嘅自助餐，選擇困難症嘅表示要瘋了🥺發現呢度都幾講求速度同策略🤣 因為全部嘢都要自己搞，強烈建議搵多幾個朋友仔一齊嚟分擔吓責任，唔係嘅話就會手忙腳亂啦😎 我哋一個攞熟食，另一個燒，然後再打邊爐，雖然好忙但其實過程都幾好玩😆食物方面個人最推刺身同燒物～ 刺蝦、三文魚同吞拿魚肥美鮮甜，食多幾轉已經回到本😗 秋刀魚、金沙骨、雞翼、牛肉片醃得夠入味，啖啖肉，食肉獸表示十分滿足！而熟食區嘅蘿蔔炆牛腩同菜類都唔錯，不過出面嘅嘢食會不定期更換，睇吓大家好唔好彩啦！