豐鍋日式涮涮鍋 (Closed)

今晚放工後入咗黎石門睇下有咩食，條街都冇乜人，見到有間任食涮涮鍋，入面得五枱左右客人，又唔使等位，就入去試下。呢度提供兩個套餐，的地二人揀咗個$228，入座前再揀埋個湯底就可以入去了～我地就揀咗豆乳鍋同昆布鍋 豆乳鍋配有雜菇同大葱，豆味濃郁，鮮味十足 昆布鍋相對地味道較清，但都有一股昆布既香甜牛同豬可無限添食，叫侍應拎就可以了。牛同豬都唔會話好肥，牛肉肥瘦適中，唔會太油膩，肉質亦鮮嫩 豚肉唔會好鞋，薄切可以唔使灼咁耐，保留豬肉既鮮味 呢個價錢真係唔錯。除咗牛同豬之外，其他配菜可以出面自己夾，放題黎講唔算太多選擇，但勝在性價比高，貴精不貴多，蔬菜類有羽衣甘藍、冰菜、萵荀、菠菜、粟米、蕃茄等；另一邊可以夾菇菌、午餐肉、芝士腸、鮮雞肉、芝士丸、芝士腸、貢丸等；麵食就有手打烏冬同原個出前一丁⋯ 烏冬係稻庭烏冬好彈牙、鮮雞肉肉質都嫩滑、其他配料亦好新鮮飲品就係雪櫃拎，有解茶、竹庶茅根、雪梨蜂蜜、啤酒、芒果汁⋯有好多選擇最後仲可以拎M字雪糕，但真係太飽食唔落了～