瀛喜日本料理 (Closed)

餐廳位置唔難揾，係元朗西鐵站F出口經形點2期條天橋行過去6-7分鐘左右就到。放題食物選擇都充足。食日式放題當然要食刺身，我地大部分刺身都有叫，全部刺身都勁新鮮，我地不停encore甜蝦，又鮮又甜。壽司都係必點，啲壽司飯唔會大大舊，唔洗怕頂肚。小食推介泰式蝦餅同吉列蝦，炸到金黃香脆，一啲都唔膩。另外一口芝士同炸香芋球仲可以當甜品食tim，兩者配合一齊食，食完一啖咸芝士再一啖甜香芋，口感一流，簡直絕配！燒羊架同一口牛都值得一試。7點半至9點半時段埋單仲有88抵，抵食！