由於係一個仲讀緊書嘅學生好有誠意咁請我食生日飯，唔想佢洗太多錢同原本係好想食魚生嘅我，最終都揀咗食黑咖喱吉列豬扒飯。 而佢就食咗黑松露燒雞飯。
黑咖喱吉列豬扒飯定食🙂黑咖喱味道普通，偏酸，唔辣唔甜，但係唔難食
🙁吉列豬扒有啲乾，炸漿唔脆，豬味唔濃
😋茶碗蒸好滑，幾好味👍🏻
黑松露燒雞扒定食😀雞扒係即燒嘅👍🏻，不過味道就一般，唔算好香，黑松露醬唔算濃味，加埋一齊食唔難食，但係又唔係特別好食
其實係呢間鋪頭應該食嘅係魚生同串燒，相信會係幾出色嘅。下次自己比錢時會試下🤣
今次嘅午餐食物質素就中規中矩，但係商場坐得舒服咁食一餐飯，仲有埋沙律，麵豉湯，茶碗蒸，同主食都係$78，都算非常超值。
