room 3

Open Now

Now Closed

日本菜唔係得壽司同和牛，其實啲串燒都可以好好食。平時食日式串燒都係去啲日式居酒屋，今次試呢間係尖沙咀L出口對面嘅「room 3」就好唔同。裝修好新穎，高級餐廳嘅靚靚環境下都可以食到平靚正嘅串燒！即使今次星期六黎食都有套餐，「串燒二人前」仲有75折，好抵食！套餐有埋沙律，漬物，蟹肉海鮮湯，各種串燒，兩款主食，仲有餐飲同甜品，超爆豐富！埋單都係5百幾，真係好過去食buffet!由沙律開始已經有驚喜，調味好岩我，入面仲加左啲新鮮生果，好開胃。日式炸蠔都好特別，炸完再用章魚燒嘅方式調味，好食！另外好幾款串燒如豆腐，雞翼，秋葵，冬菇，鹽燒鯖魚，明太子菜肉瓜全部都新鮮之餘口感十足，完全冇一款會伏！食完咁多仲有兩個主食，一個蟹肉意粉再加一個大大個嘅香燒三文魚飯團，真係飽到一個點！意粉雖然寫住係迷你版，但一啲都唔細份，連個平平無奇嘅飯團都整到好惹味，絕對值得encore!