黑木亭居酒屋 (金馬倫道)

尖沙咀真係好多餐廳好多好野食，呢間黑木亭以前淨係同一班朋友食過夜晚，午餐真係未試過食，難得出到尖沙咀就去食個lunch睇下有無同晚餐一樣高質。 普通食lunch唔算貴，食個丼飯大概都係幾十蚊至一百蚊左右，不過見到個商務二人餐都好抵食，而且平日仲要有7折，姐係$398就食到個好豐富既二人套餐，包括有刺身，卷物，兩款定食同雪糕，所以相對咁計真係幾抵食。 假日商務二人前 $426（平日$398） 三點刺身盛 火灸左口魚邊卷 芝士流心玉子鰻魚飯 灸燒四合丼 雪糕(兩球)火灸左口魚邊卷包住玉子同青瓜，上面既左口魚火灸過好油好香，入口即溶即感覺，另外加左d魚籽同黑魚子，好鮮味好脆口。芝士流心玉子鰻魚飯好大碗好大條既鰻魚，另外玉子燒入面有埋芝士可以拉到絲，蛋香加埋芝士鹹香都好正。鰻魚夠厚身，醬汁包實鰻魚夠香夠肥美，食下食下就食晒成碗飯。灸燒四合丼 呢款四合丼有左口魚，三文魚，蟹柳，蟹籽。除左蟹籽外，每款都會經過灸燒燒得非常香口。而最吸引最好食既係左口魚，飽滿既油份經過火燒燒面更加有油香感，油香覆蓋住魚身既周圍，入口先係魚身本身有既爽口感，其外就慢慢隨住油入溶化係口腔內，油重香濃，好食而且份量大，CP