新華苑酒家

Open Now

Now Closed

聽講呢度有任食蒸氣鍋，搵日星期五放工同大食友人happy hour。星期五晚$288一位再加一同醬油費，可以接受嘅如果啲海鮮夠靚同新鮮。海鮮同乳鴿每位計之外，其他都任食。乳鴿燒得幾香，一人有兩舊，算多肉。蜆同青口好大隻，好鮮甜，啖啖肉。呢個海鮮拼盤不得了，可以任選四款，揀咗蟶子、貴妃蚌、鮑魚同象拔蚌仔。粉絲同蒜蓉、蔥花令海鮮更鮮甜惹味。跟住就點啲任食料，首推手切和牛肉，超級香牛味。肉質好煙韌但唔會難咬，好食！另外和牛粒都要叫，值回票價。食完正餐就食吓甜野，懷舊馬拉糕唔係間間酒樓都有，而家任食梗係要食返夠本！最後最後就係要食個粥喇，個粥吸收哂啲海鮮同牛肉精華，應該好鮮甜。不過太多水，有點清淡，如果濃返啲好食好多。呢個價錢同食物成正比，係抵食嘅。