Itamama (東港城) (Closed)

餐廳格局好似高級左嘅翠華. 整體食物質素唔錯. 性價比非常高. 又唔似會趕客.午餐可以加小食. 水牛雞翼. 個味都正常.另一款小食叫咗焗西蘭花. 都可以.餐飲叫咗熱情果. 偏甜. 因為唔係間間餐廳有.可以一試. 另一杯叫咗凍檸檬茶. 好有茶味.主角係豬扒焗飯. 出色. 蕃茄味正常唔會太酸. 豬扒係切咗細細舊嘅. 肥瘦適中. 入口腍滑. 飯係用珍珠米. 下次都會再叫.卡幫尼意粉. 整體味道可以. 唔係十分出色.呢個價錢嘅午餐非常抵食. 可以嚟食多幾次.