有一日平日收工終於嚟到荃灣嘅「醉潮館」
雖然係打冷 但裝修都有格調 好似返左去古代咁🥸
佢嘅食物唔止抵食 仲有新意👍🏻
就講下今次試嘅3款小菜啦
🦪砂鍋卜卜蜆煲（小）先啦
啲蜆新鮮彈牙 大大隻 而湯底濃郁
啲蜆每一啖都係鮮甜嘅風味 真係好滋味😋
最癲係我地質疑左好多次佢係咪真係小😂
D蜆多到一直覺得佢係大 勁抵食😚
忍唔住食完拍低有幾多 每隻都有肉唔係得殼架
🐮仲有蜜椒脆薯牛仔粒
呢款小菜幾有新意 將薯仔切成粒 炸左佢
同牛仔粒一樣好香脆
再加上甜甜地嘅蜜椒醬 口感層次豐富😋
最後唔少得一個蔬菜啦
🥬雪裹紅蝦乾菜芯煲 都有驚喜啵
啲紅蝦乾同埋菜心煮得啱啱好
平時食煲仔菜可能莖嘅部份會比較硬
但佢地處理過 莖部一樣易咬 亦無草青味👍🏻
紅蝦乾仲同個菜互相配合
醉潮館絕對係一間值得一試再試嘅餐廳😉
佢嘅食物既抵食 又充滿新意
除左我上面介紹嘅 仲有好多特色小菜同埋湯等住大家
所以回頭率好高架!😯
2
4
1
8
3
7
