蘇媽.蘇媽馬來西亞茶餐室 (Closed)

FD來香港旅行，指明要食東南亞菜，咁encore蘇媽蘇媽啦。凍馬來西亞拉茶，叫咗少甜少冰，奶茶入口好香滑。同埋落咗棕櫚糖，成杯奶茶有股特別嘅香味。椰汁斑斕冰，椰汁味好濃，仲有少少西米，好清爽。豬腳灣肉骨茶，首先要飲碗湯先，肉骨茶湯入口淡淡藥膳味道，好好飲。之後食件豬腳，豬腳煲到軟嫩無比，入口滿滿骨膠原。如果唔夠味，仲可以自己調製個醬汁，加埋生蒜，辣椒同特製豉油，又係另一種風味。高佬面配雞扒,雞扒好大一件，燒得都唔錯，雞肉好軟嫩。公仔麵醬汁係香甜果款，每一啖面都好惹味。椰香伽央多士，絕對係哩間特色。多士焗得好香脆，中間落咗大量牛油同伽央醬，食落香甜酥脆，FD食到讚不絕口。食到超飽，人均都係百幾港紙，真係超抵食。