Video
Read full review
2006-01-22
4 views
睇完戲, 唔想行得遠, 朗豪坊又無咩好食, 醒起有人讚過呢間既宵夜放題, 於是行一陣街, 等到9:30先上黎幫趁.以旺角區餐廳黎講, 裝修算好靚, 侍應安排左我地坐上層, 居高臨下得黎又靜d, 唔錯. 睇睇menu, 原來放題都有兩種, 我地就揀左比較平同多款果隻. 印象中有大約三十款中及日式菜式選擇, 我地就食左:和風沙律—菜唔係放左好耐果隻, 算係咁.燒三文魚頭—朋友好唔滿意, 話太多肉, 唔似係魚頭喎.焗帆立貝--帆立貝切成小粒, 本身唔錯, 但個汁好鹹.各款壽司—真係唔好點, 完全唔掂, 尤其是其他野都唔錯既時候.手卷—朋友食既, 佢話紫菜腍晒.水晶肴肉--OK蒜泥白肉卷—好的式, 個汁好味, 友人好欣賞, encore左兩次.薑汁蘆筍—呢味就我好鍾意, 凍食既, 清清地得黎, 加左薑汁令味道無咁單調.馬蘭頭卷—以為好穩陣既一味, 個皮原來好韌.小籠包—皮唔夠亦唔易爛, 但個肉餡質地太鬆散.紅油抄手及獅子頭—兩者情況同小籠包一樣, 個餡唔得, 懷疑係機打豬肉所致.鴨胸及瑞士汁鴨舌—兩樣都諗住係行貨野, 點知都幾好食喎.東坡肉—味道唔錯, 肥肉部分軟綿, 瘦肉部分就爭d.鵝肝水晶
以旺角區餐廳黎講, 裝修算好靚, 侍應安排左我地坐上層, 居高臨下得黎又靜d, 唔錯. 睇睇menu, 原來放題都有兩種, 我地就揀左比較平同多款果隻. 印象中有大約三十款中及日式菜式選擇, 我地就食左:
和風沙律—菜唔係放左好耐果隻, 算係咁.
燒三文魚頭—朋友好唔滿意, 話太多肉, 唔似係魚頭喎.
焗帆立貝--帆立貝切成小粒, 本身唔錯, 但個汁好鹹.
各款壽司—真係唔好點, 完全唔掂, 尤其是其他野都唔錯既時候.
手卷—朋友食既, 佢話紫菜腍晒.
水晶肴肉--OK
蒜泥白肉卷—好的式, 個汁好味, 友人好欣賞, encore左兩次.
薑汁蘆筍—呢味就我好鍾意, 凍食既, 清清地得黎, 加左薑汁令味道無咁單調.
馬蘭頭卷—以為好穩陣既一味, 個皮原來好韌.
小籠包—皮唔夠亦唔易爛, 但個肉餡質地太鬆散.
紅油抄手及獅子頭—兩者情況同小籠包一樣, 個餡唔得, 懷疑係機打豬肉所致.
鴨胸及瑞士汁鴨舌—兩樣都諗住係行貨野, 點知都幾好食喎.
東坡肉—味道唔錯, 肥肉部分軟綿, 瘦肉部分就爭d.
鵝肝水晶包—見到但食唔出鵝肝味, 可以不叫.
牛油焗雜菌--OK
杏仁茶小丸子—朋友覺得OK, 我就認為D丸子勁粉.
鮮奶南瓜糕—一致裁定, 唔係難食, 不過既無鮮奶味又無南瓜味囉.
咖啡奶凍—無食, 據報一般.
紅豆燉奶—水準之作, 好滑, 有奶味, 紅豆再腍少少就正.
生果拼盤—其實得西瓜同皺皮瓜, 都好甜喎.
好彩朋友有影相, 唔係都無咩可能記得咁多. 以放題黎講, 大部分食物水準都係我期望之上, 賣相亦唔差. 呢度平時散叫價錢都唔平, 個放題$98位真係食得過(茶錢好似$10位).
侍應有禮, 但個別似乎好生手, 第一次問佢拎個drink list, 隨即order杯紅酒, 落完單過一陣先由經理過黎, 話未賣得酒住. 第二次係追單, 佢話已經落左, 黎緊咁話, 點知轉個頭又係個經理過黎話漏左單, 請我地寫過. 本來無乜野, 但兩次都係幾明顯既錯誤囉.
有機會會試埋貴少少果個放題.
Post
