御滿屋日本料理

Open Now

Now Closed

呢間放題分4個餐，我地5點入場 ，叫左經典A餐，每人$248，發現最平既A餐都包好多野食、好夠食😆。先講餐廳環境，同其他放題相比，呢間算坐得幾舒服，有窗口梳化位，同埋地下幾乾淨、企理。入黎第一件事當然要order一盤大刺身啦，個人推介叫阿根廷赤蝦，大大隻夠肥美。另外冷鮑魚配泰式辣醬幾特別，鮑魚又唔會好韌。熱食方面，比目魚同秋刀魚煎得香口，牛柳粒、芝麻雞翼、燒雞翼、燒菠蘿🍍、炒蜆都煮得唔錯。外面自助區有部放題少見既爆谷🍿️機，爆谷係脆架，甜甜地忍唔住攞左一碟🤭飲品方面，酒類既選擇都多，有日本罐裝水果酒，仲有清酒🍶。唔飲酒既話都有其他選擇，最令我surprised既係有忌廉鮮奶既zero版！唔怕肥lu~ 雪糕方面，Dreyers有Indian Royal Tea口味; Haagen Dazs有曲奇口味；而movenpick有兩款口味: 椰子同expresso，雖然有既味唔算多，但同一時間有齊3隻牌子雪糕，有驚喜😝，加上movenpick果兩款口味都好食😋，椰子🥥尤其得我歡心。除此之外，甜筒🍦、雪條、軟雪糕都應有盡有😆，總有一款岩心水。