蚊蚊豬老火鍋 (Closed)

香港嘅濕凍真係好難受，又想食羊腩，又想食雞煲。朋友就帶咗我嚟蚊蚊豬，樣樣都有得食少少，啱晒眼闊肚窄嘅我呀。二百幾蚊就可以任食封門柳、安格斯牛同牛板腱，全部都好軟熟，又夠牛味，絕對唔係一般放題貨色。每位仲送一份海鮮，有白鱔、斑腩、鮑魚等等，仲有刺身添～好抵食！自助食材區都好光猛乾淨，款式都好多，有墨魚丸花枝丸，仲有好多唔同嘅蔬菜！最後食埋雪糕做甜品，特別推薦朱古力味雪糕，味道濃郁又唔會太甜，超滿足！