豐鍋日式涮涮鍋 (Closed)

Lee幾日甘凍，就好想打邊爐。上星期去石門藥房掃貨，順便食下野！見豐鍋既牛涮鍋係一人一鍋，幾乾淨！入店前仲會量體溫同要用搓手液添。湯底有好幾款：美肌豆乳鍋野菌番茄湯北海道昆布鍋豐味醬油鍋豐鍋麻辣鍋日式豚骨湯我簡左美肌豆乳鍋，有豆香味，又唔會濃。米國Prime特選牛肉，新鮮色澤紅潤，有牛肉味唔會韌。而黑豚肉肥瘦均勻2款仲可以無限追加，同店員order就可以，好岩食肉人仕，好抵食。自助區都勁多選擇，最緊要乾淨。菜類係勁多，有羽衣甘藍、冰菜、萵荀、南瓜、節瓜、蓮藕，番茄、冬菇、金菇、秀珍菇、杏鮑菇、本菇，連芽菜都有。仲有青口、雞件、濃湯頁丸、芝士小籠包、黑糯糕、芝士腸，蟹柳等等。雪櫃飲品任飲，雪糕係movenpick任食的。平時一至五中午係冇涮涮鍋家，得午市套餐。