本佐日本燒肉料理 (Closed)

晚飯時間約咗晚上六點半同朋友去呢一間餐廳度食燒烤放題，埋單每人都係$306 ，任食兩小時包一罐飲品。佢有燒肉壽司海鮮刺身小食！佢嘅蟹子沙律好好食好新鮮！刺身方面就麻麻哋，壽司主要食火炙，所以都係即叫即燒！燒肉方面雖然款式唔算太多，但每一樣都好好食，佢哋一口牛，豬頸肉，牛肋骨，非常出色！順帶一提，燒肉係唔錯，但壽司就麻麻哋，原因係佢嘅豉油唔係日本豉油，所以就差咁D！雖然款式唔算多，但係$300一個人呢個價錢，可以食到咁嘅質素食物，係非常不錯的！