個放題有個叫矜貴系列, 可以揀一款貴啲既食物好似龍蝦仔, 羊架, 鵝肝多士之類。我們個個都叫龍蝦, 雖然細細隻, 但幾新鮮, 肉質幾甜。另外仲叫左啲大路野好似燒蝦, 肉串, 雞翼, 腸, 蔬菜等等。
上菜嗰速度算唔錯, 叫幾轉野都好快送到, 冇話係度拖時間。野食都燒得唔錯, 食落仲係好嫩有肉汁。個四川調味粉都幾有特色, 辣辣地幾惹味。
我地仲另外叫左個泰式燒魚, 燒得唔錯, 皮脆肉滑, 佢魚肚位仲放左啲香料一齊燒, 啲魚肉帶啲香料味, 正!
個放題各方面都幾ok, 啤酒汽水又任飲, 絕對可以再encore。
