Video
Read full review
2018-10-12
244 views
話說呀媽至愛就係食日本野，有時佢突然話好耐無食，我地就會全家總動員一齊覓食。呢間放題其實我之前同朋友去過，記得超抵，Book位有折埋單唔洗$200，平時過下口癮食最啱。款式都好多，有成十幾張紙，三文魚都算肥美，甜蝦真係甜既，可惜無家姐呀媽至愛既帆立貝，但呢個價位，貴價野無都係正常既，勝在款式多，無咪食其他野囉。壽司細細件都可以叫少少，鰻魚帶子燒牛肉味道都唔錯。天婦羅都炸得ok，又熱又脆炸粉薄。我自己就幾鍾意食焗蠔，有芝士或者蒜蓉兩款，唔會話焗到乾哂，幾好味。最闊佬應該係甜品，成個雪櫃自己任拎，連榴槤雪條都有，仲有便利店賣十幾蚊支既韓國雪條。質素雖然唔係話最好，唔係好高級好多正野果隻，但係抵食搭夠，性價比高，平日黎食都唔肉痛。
話說呀媽至愛就係食日本野，
有時佢突然話好耐無食，我地就會全家總動員一齊覓食。
呢間放題其實我之前同朋友去過，記得超抵，
Book位有折埋單唔洗$200，平時過下口癮食最啱。
款式都好多，有成十幾張紙，
三文魚都算肥美，甜蝦真係甜既，
可惜無家姐呀媽至愛既帆立貝，
但呢個價位，貴價野無都係正常既，
勝在款式多，無咪食其他野囉。
壽司細細件都可以叫少少，
鰻魚帶子燒牛肉味道都唔錯。
天婦羅都炸得ok，又熱又脆炸粉薄。
我自己就幾鍾意食焗蠔，有芝士或者蒜蓉兩款，
唔會話焗到乾哂，幾好味。
最闊佬應該係甜品，成個雪櫃自己任拎，
連榴槤雪條都有，仲有便利店賣十幾蚊支既韓國雪條。
質素雖然唔係話最好，唔係好高級好多正野果隻，
但係抵食搭夠，性價比高，平日黎食都唔肉痛。
Post
