八鍋堂．中日火鍋專門店 (Closed)

今晚好想打邊爐，但又想食壽司，係朋友介紹下就去左兆萬既八鍋堂，一次過滿足晒兩個願望。☺餐廳座位整齊三排，給人一種整潔舒適的感覺，裝修華麗給我一種日式特色的感覺。職員上菜及加湯方面十分快捷。職員態度殷勤有禮，我們剛坐下，已遞上火鍋底單叫我們選擇湯底。壽司種類應有盡有，最引人入勝當然係花之戀，三文魚配沙律醬既份量岩岩好啊。打邊爐可以自選四格湯底，我今次人蔘雞湯，豬骨湯，沙嗲湯同埋豆乳海鮮湯。每種湯都有獨特味道，最開胃當然係沙嗲湯，用黎淥肉類一流。菜類配人蔘雞湯就最好，清清地又好味。蔬菜類，選擇很多，冬瓜，南瓜，生菜，甜粟，金菇菜，冬菇，芋頭片，冰豆腐....韓國粉絲...而且，擺放得整齊清潔，令人有好感！另外，美國肥牛入口既溶，淥幾秒就食得😋，又新鮮又肥美，食得好滋味！這裡的牛肉值得推介，顔色亮麗夠新鮮，牛肉味不錯。不過每次order二人份量都係得咁多, 所以想大量咁食就要入多幾張單, 幸好呢度出野食都算快, 總算加返唔少分數~羊肉涮完後亦無縮得太小件，羊味很重，肉質有咬口。值得一試！至於飲品方面亦係自取, 飲品以罐裝汽水為主！