Cafe Paradise (東寶大廈) (Closed)

經過見到新開張，就諗住入去食個下午茶，一入到去個環境都好舒服，因為係平日下午茶嘅時間，所以都唔算好多人。入到去坐得好舒服，用咗唔同顏色嘅膠板間開啲枱，而且環境好乾淨。一打開個Menu就見到下午茶非常抵食，我就叫咗一個芝士奄列雞腿飯加個小食就係炸三角芝士，再要多杯latte。啲嘢食一上枱面就嚇親，估唔到一個下午茶個飯可以咁大，一個人食真係會好飽。佢個芝士奄列真係好香好濃芝士味，而雞腿真係好嫩滑咬落唔會好硬，非常之淋而且好多汁，所以加落去個飯到食成件事好match，另外個炸三角芝士都好重芝士味，鍾意食芝士嘅朋友非常推介你試。而杯latte都算好飲，以呢個價錢來講可以食到咁好食嘅嘢CP值超高，極推大家嚟食。