招牌手撕雞 (Moved) New Location

香港天氣準備到10月都依然好熱🌞可能因為咁近排真係好鐘意用外賣app叫野食😆，唔使落街排隊攞位，食飯嘅時候已經成頭汗💦手撕雞我公司嘅人普遍都鐘意，食過其他間之後大家都係獨愛呢間。❤️✨招牌手撕雞半隻 $60（堂食好似$53）有得俾你揀原味、香辣、麻辣 小辣、中辣、大辣🌶本人無辣不歡😛，試過香辣和麻辣，覺得香辣好味啲。今次我食中辣，我覺得都夠辣😋雞肉唔嚡口，好味👍🏻手撕雞有青瓜和雲耳作為配菜。🧡雲耳用酸醋醃過，味道酸酸辣辣好開胃✨海蜇 原味 $40（堂食好似$28) 外賣App 上冇得俾我揀其他味。☹️後尾睇OpenRice 發覺原來海蜇都有得揀香辣或者麻辣。原味味道好寡😐😐，差唔多冇味咁濟海蜇質感爽口彈牙，建議大家揀香辣或者麻辣可能會更好食。