永發廚房 (Closed)

臨近午飯時間先至俾老世叫住，講、講、講...仲要趕去淘大做嘢，搞到3點幾先至可以去食嘢。馬路邊有好幾間茶餐廳，見永發下午茶：炸髀、紅豆冰$25咋，學生時代嘅價錢，大X樂都無咁平...心心眼啦，就係佢啦雞髀炸到好香，皮脆肉滑，雖然賣相不佳，不過味道唔錯。重溫學生時代嘅味道紅豆冰~~好多紅豆喎，有奶水香，但味道就比較甜。同行叫咗鮮菜豉油王炒麵，配司華力腸+奶茶有俾心機擺盤喎。司華力腸鎅咗花切咗少少少試，正常嘅司華力腸味道。又夾咗少少麵食，唔...少咗炒麵嘅香味，似撈麵多啲。要求唔高嘅話，廿零三十蚊個下午茶，係幾抵食架。