二人餐可以任揀兩款小菜，套餐包油菜、湯/飲品，而飯仲可以揀菜飯/白飯，可以食得健康啲
二人餐總價錢$158，相當優惠
我地就叫左蔥爆魚腩，菠蘿咕嚕肉，炒芥蘭
整體三碟都唔錯，味道夠，有鑊氣，賣相算唔錯，份量都多，肉唔會少過配料，睇張相都知道比起茶餐廳一個小菜嘅份量更加足料，絕對對得住價錢
而例湯一啲都唔求其，係足料老火湯，菜乾紅蘿蔔豬骨湯
之前仲叫過栗子炆雞，亦都係做得非常入味，呢間小店真係值得一食再食！
雖然未試過坐低食，但每次經過都覺得佢門面設計幾特別，而餐廳入面都乾淨企理，係小菜館既感覺
之前見佢停業左一排，希望多啲街坊幫襯，小店係疫情先可以繼續支持落去！加油！
