大茶飯 (將軍澳中心)

Open Now

Now Closed

今日去到將軍澳探朋友，朋友帶我嚟食大茶飯，大茶飯係食台灣菜，味道好好，價錢又平，又坐得舒服，係一個非常唔錯嘅用餐體驗。大茶飯嘅午餐套餐都係四十幾五十蚊咁上下，有大大份嘅飯、大大份嘅餸，仲包嘢飲，我自己覺得真係好抵食。我地點左一份午市套餐，再散叫左一些小食和小菜，食到攬住個肚，埋單都係二百零蚊，真係抵食到一個點。午市套餐：大茶飯雞扒配肉燥飯：大茶飯雞扒大大塊，煎得好香，外皮脆，裏面有啖啖肉，味道亦都非常好，好夠味，送飯一流。肉操飯亦都大大碗，肉操又夠多，味道10分好。秘製辣孖寶：係辣魷魚加辣螺肉，其實又唔算好辣，易入口，我自己就鍾意螺肉多點，份量都唔細㗎。必食麻辣雞中翼：其實都真係必食別食，因為真係好好味，不過大前提係要食得辣先得，佢哋麻辣醬汁真係好夠辣，好麻辣，鍾意麻辣嘅我就真係覺得好正，而且佢係單骨雞翼，好易食，下次要encore。遍地黃金哈哈蝦：遍地黃金即係鹹蛋黃，用來炸蝦想唔好食都好難，所以真係好食嘅。而且呢個蝦就算放耐左都仲係好熱辣辣，蝦肉好爽口，而且夠大隻，一碟有成七八隻咁多，我自己覺得就好抵食。波濤洶湧奶茶：其實即係珍珠奶茶，味道唔錯。