抬摃 (Closed)

一直都知道這間店係黃店，但見到入面暗暗地，成日都冇人，好似冇乜信心就一直未去試過，因為怕好似仙xx類似嘅質素。前幾日剛好要食個快飯，諗住食商場入面嘅三星定食佢，就決定不如食小店啦。價錢真係好平五六十蚊就有一個主食，仲包基本飲品(揀其他可加錢)。加幾蚊又有小食咁，真係仙xx嘅價錢！但唔係仙xx嘅味道喎，份量好大，一個男人食完都會覺得好飽，而且又夠熱，佢個肉燥、台灣腸同鹽酥雞都幾好食。另外個台式豬扒就甜咗啲。同埋佢地方乾淨，服務都幾有禮貌，整體唔錯！喺唔想煮嘅日子可以多一個選擇！