Video
Read full review
2023-04-08
50 views
之前已經聽過「板神」呢間鐵板燒，見到佢哋四月份做緊promote，慶祝自己中完招出關，再訂咗位啱啱嘅星期日過嚟食～ 四月大感謝祭套餐 由 $398 起，有日本豚肉/ 美國牛/ 澳洲和牛或者係A5和牛。我哋分別揀咗厚燒同薄燒美國牛（$398/$448）前菜、沙律、刺身三款前菜同沙律都係清新開胃嘅。刺身係吞拿、油甘同魷魚， 味道鮮甜🤞🏻季節野菜有：蘆筍、粟米仔、紅椒同冬菇南非鮑魚睇師傅表演刀功時間，鮑魚一分為三。唔使太多調味，鮑魚嘅鮮甜同埋海水味已經足夠，口應爽口彈牙～ 大海老都係刀工表演時間，由拆蝦頭、蝦殼同挑蝦腸都目不暇給。用蝦膏加醬汁處理，帶出到蝦嘅鮮味，大蝦仲非常彈牙～ 帶子、白鱈魚、法國鵝肝（三選一）今日唔想太邪惡👿揀咗帶子同白鱈魚，帶子鮮甜，表面煎到得微微焦香，入邊仲係好幼嫩。白鱈魚肉質結實滑身，外邊超香脆，配埋蒜蓉牛油醬汁，惹味。美國牛（厚燒+ 薄燒）厚燒係切成一口一舊剛剛好嘅Size，有油香之餘不失咬口。用少少岩鹽已經可以吊出牛肉味道。薄燒係另一重享受，薄燒牛包住蒜片同埋香蔥，點埋牛肉燒汁會更加惹味。跟住就到睇師傅表演炒飯，炒飯帶大量牛肉！炒得非常之乾身，唔覺唔覺成碗食晒😗
四月大感謝祭套餐
由 $398 起，有日本豚肉/ 美國牛/ 澳洲和牛或者係A5和牛。
我哋分別揀咗厚燒同薄燒美國牛（$398/$448）
前菜、沙律、刺身三款
前菜同沙律都係清新開胃嘅。
刺身係吞拿、油甘同魷魚， 味道鮮甜🤞🏻
季節野菜有：蘆筍、粟米仔、紅椒同冬菇南非鮑魚
睇師傅表演刀功時間，鮑魚一分為三。唔使太多調味，鮑魚嘅鮮甜同埋海水味已經足夠，口應爽口彈牙～
大海老都係刀工表演時間，由拆蝦頭、蝦殼同挑蝦腸都目不暇給。用蝦膏加醬汁處理，帶出到蝦嘅鮮味，大蝦仲非常彈牙～
帶子、白鱈魚、法國鵝肝（三選一）今日唔想太邪惡👿揀咗帶子同白鱈魚，帶子鮮甜，表面煎到得微微焦香，入邊仲係好幼嫩。
白鱈魚肉質結實滑身，外邊超香脆，配埋蒜蓉牛油醬汁，惹味。
美國牛（厚燒+ 薄燒）厚燒係切成一口一舊剛剛好嘅Size，有油香之餘不失咬口。用少少岩鹽已經可以吊出牛肉味道。
薄燒係另一重享受，薄燒牛包住蒜片同埋香蔥，點埋牛肉燒汁會更加惹味。
跟住就到睇師傅表演炒飯，炒飯帶大量牛肉！炒得非常之乾身，唔覺唔覺成碗食晒😗呢個時候就可以食埋漬物同麵豉湯送飯～
最後睇埋師傅整焦糖多士，超級邪惡，但入口非常香脆，而且唔會覺得好甜，配埋餐送嘅熱咖啡一流，如果唔飲咖啡都可以揀佢哋嘅甜品～
Post
