爆辣冷麵

Open Now

Now Closed

有一日入到元朗就去試下呢間好多人推介嘅冷麵、佢大部份嘢都係以辣味為主，所以食辣嘅朋友就啱晒。爆多蟹籽冷麵呢個冷麵份量超級多，一盒滿滿的，好多蟹子，而且辣辣地。賽螃蟹杯麵有好多賽螃蟹喺面，呢個較容易食因為杯裝。爆辣炒飯呢個份量又係好多，炒飯都炒得幾乾爽，而且辣辣地夠惹味。袋裝冷麵，呢一個買嘅時候即刻食，因為方便細細包。蟹子沙律有好豐富嘅蟹子，而且沙律份量多。爆辣雞軟骨非常之有咬口，飲酒或可樂唔錯。芫荽啫喱芫荽味唔算太重，啫喱感覺有啲似大菜糕。爆辣油生蒜買返屋企可以平時煮麵食。