Video
Read full review
2021-05-14
1206 views
2021年5月8日 星期六今日一早就同老婆出咗去油麻地行街，打算去寵物街睇吓狗仔，點知經過油麻地嘅時候見到呢一間餐廳好似新開張，又見餓餓地，於是就諗不如入去食咗嘢先入到去睇返點餐紙發現都有幾多野食，而且仲要免加一，特別時段仲有孖寶點心供應添，感覺好似平過酒樓，每款點心都係20幾蚊左右，不過由於唔知份量幾大，於是我哋都唔敢叫太多另外仲有一張新品推介點心紙，有我哋最鍾意食嘅XO醬炒蘿蔔糕，即刻諗都冇諗就叫咗等咗大約10幾分鐘左右，新鮮熱辣嘅XO醬炒蘿蔔糕就送到，見到每一嚿蘿蔔糕上面都有好多XO醬，食落去好惹味，但係唔算太辣，有好多辣蝦乾同瑤柱絲，同埋份量都唔少，兩個人都係勉強先食得晒之後有黑椒金錢肚，蒸得好入味，而且完全唔韌，一咬就斷開，下面仲有蘿蔔添，吸收晒醬汁嘅精華，係一大驚喜呢個係蜂巢黑糖糕，一咬落去真係有好濃郁嘅黑糖味，不過唔算太甜，而且裏面真係成蜂巢嘅形狀，所以質感唔會好實，反而好鬆軟然後有鮮蝦腐皮卷，嚟到嘅時候已經剪開左細細舊，方便進食，外皮好脆身而裏面有好多蝦肉，點埋喼汁一齊食更加好至於呢一個係酥炸奶皇包，平時最多都係見到脆皮叉燒包，酥炸奶皇包真係未見過，所以都好期待味道係點
今日一早就同老婆出咗去油麻地行街，打算去寵物街睇吓狗仔，點知經過油麻地嘅時候見到呢一間餐廳好似新開張，又見餓餓地，於是就諗不如入去食咗嘢先
入到去睇返點餐紙發現都有幾多野食，而且仲要免加一，特別時段仲有孖寶點心供應添，感覺好似平過酒樓，每款點心都係20幾蚊左右，不過由於唔知份量幾大，於是我哋都唔敢叫太多
另外仲有一張新品推介點心紙，有我哋最鍾意食嘅XO醬炒蘿蔔糕，即刻諗都冇諗就叫咗
等咗大約10幾分鐘左右，新鮮熱辣嘅XO醬炒蘿蔔糕就送到，見到每一嚿蘿蔔糕上面都有好多XO醬，食落去好惹味，但係唔算太辣，有好多辣蝦乾同瑤柱絲，同埋份量都唔少，兩個人都係勉強先食得晒
之後有黑椒金錢肚，蒸得好入味，而且完全唔韌，一咬就斷開，下面仲有蘿蔔添，吸收晒醬汁嘅精華，係一大驚喜
呢個係蜂巢黑糖糕，一咬落去真係有好濃郁嘅黑糖味，不過唔算太甜，而且裏面真係成蜂巢嘅形狀，所以質感唔會好實，反而好鬆軟
然後有鮮蝦腐皮卷，嚟到嘅時候已經剪開左細細舊，方便進食，外皮好脆身而裏面有好多蝦肉，點埋喼汁一齊食更加好
至於呢一個係酥炸奶皇包，平時最多都係見到脆皮叉燒包，酥炸奶皇包真係未見過，所以都好期待味道係點樣
咬落去外皮同炸饅頭差唔多，不過裏面既餡料就不停流出嚟，係流心奶黃，好驚喜，仲係熱辣辣既
跟住有叉燒腸，無諗過會咁大條，裡面有好多叉燒粒，腸粉好煙韌，點埋豉油一齊食簡直一流
最後仲有蠔皇鮮竹卷，咬落去有好多餡料，好足料，而且味道好夠，食完之後都唔會覺得太口渴
Post
