今日同呀媽去左鑽石山搵野食
原來哩度有間咁大間既西日式甜品輕食店
佢門口好靚 入面坐得好闊落
裝修風格好日系 簡潔乾淨
Menu有immpossible系列 岩哂想要vegan既朋友
推薦度： 4/5
🍴欖油蒜香辣椒意大利粉（加扒蝦4隻）$98
意粉好好食 好香 好多蒜片
而辣唔係bb辣 所以食唔到辣既朋友仔可以揀唔辣既意粉食
我鐘意果意粉軟硬度岩岩好 👍🏻👍🏻
🍴水牛城單骨雞翼五隻 $78
雞翼一黎我哋就懷疑係咪雞鎚🍗 因為真係好似😅😅
食落去都一樣似係雞鎚😅😅
不過唔緊要 雞鎚都接受😆 雞肉量會比雞翼更多
其實我係咪著數左🙈
Anyway 調味不過不失
薯片內脆外軟加分好食😋
🍴朱古力布朗尼窩夫（加Vanilla雪糕）$88
點餐既時候一次過點埋甜品
而店家又無問我一次過上定遲d上
我又唔記得左要求遲上
結果佢同我d正餐一齊上😅
因為有雪糕 我驚佢溶 同埋窩夫我驚佢冧
最終ko左正餐後
雪糕溶左一半 窩夫亦都冧左😔
不過我媽依然話好好味
仲要勁大份！ 食唔哂
窩夫都足料 札實口感
Brownie 唔會太甜 Great！
原來已經配左一個朱古力雪糕球
我仲加錢買多左一個Vanilla😂😂
雪糕好味 朱古力雪糕仲有朱古力chips添👍🏻
整體黎講，非常推薦哩間性價比高輕食餐廳
坐得舒服岩哂三五知己食tea吹水😄
份量大份價錢親民 地方又咁闊落
實屬香港少有☺️
