一本食堂

Open Now

Now Closed

呢晚忽然想食日本嘢，於是喺附近搵到呢間「一本食堂」，見到價錢經濟，一於嚟食。.🐔芝麻雞翼$32新鮮炸起，表面金黃色，好香脆，好食過連鎖店。.🐂金菇肥牛卷$52厚切金菇肥牛卷，三開六，份量十足；醬汁入味，同金菇肥牛好夾。.🐟日本磯煮鮑魚玻璃蝦 油甘魚 刺身$58鮑魚彈牙爽口，油甘魚同玻璃蝦唔腥且鮮美。組合新穎，價錢經濟。.🦐天婦羅蝦反卷$56店員提醒我，佢壽司係相撲手級，我不以為然，點知上檯嗰刻先發現份量比想像中多好多，飯係平時嘅一倍，天婦羅蝦兩隻，啱晒家庭或朋友聚會。用料新鮮，食落滿足。.💁🏻‍♂️總結，環境日系，座位闊落；服務周到，反應迅速；食物款式多，經濟且份量十足。