i. 刺身
有14款刺身揀，其中最特別應該係有藍鰭吞拿魚、松葉蟹腳、冰鎮大赤蝦，蟹腳一扯成梳肉超方便👍🏻三文魚、油甘魚、帶子等都幾厚身😚
ii. 壽司
黑松露赤蝦、焦糖鵝肝、蒜香牛油熟帶子等都好正，壽司飯都唔算大嚿🙈🙈
iii. 串燒
燒羊架要啲時間，但上碟真係幾香同埋唔韌；牛舌、翠玉瓜都正常發揮。
iv. 一品料理
好多海鮮嘢！珍寶鮮蠔、蒸鱔球、蒸蟶子和、黃金蝦、大頭蝦encore都不怕，係怕太飽🤣🤣仲要有燒乳鴿！食落啲肉都幾鮮嫩，唔錯！
v. 燒物+炸物
芝麻雞翼幾脆；榴槤炸彈、子心香芋丸冇伏；天婦羅、炸鮮奶都👍🏻👍🏻
自助吧枱有好多嘢食同飲品，熟食有小龍蝦、蜆等；飲品可以任飲手工啤酒、清酒等，仲有汽水、烏龍、椰青水、幾款紙包飲品熱飲等等可以揀！
甜品 - 有芒果糯米糍、心太軟等，雪糕有Häagen-Dazs！雙重朱古力味超正，食完會refill, 正😍
期間限定仲有任食榴槤王！😍😍😍夠甜！
仲有一品料理（但係驚太飽冇叫到🥹）其他特別嘢，包括：老壇酸菜魚鍋、北海道牛乳海鮮鍋、秘製枝竹羊腩煲、壽喜燒牛肉鍋、蟹黃海鮮粥等等等等，下次真係要多啲人一齊去，先可以食更加多款嘅食物！🥳
結論
🫰$268晚市放題選擇多到爆，長者有88折，回本超易！多人食更好！
記得book位， 7:30離場已經好多人排隊等緊
超值度：8.5/10
