Video
Read full review
2008-09-04
18 views
因為自小係深水埗住, 呢間餐廳, 由細食到大, 區內同類的餐廳已所餘無幾, 最多係茶餐廳和小菜館. 港式西餐廳, 除左距離三個街口的金鳳外, 就只剩呢間, 而且價錢相宜, 以前想食好少少, 又唔想搭車去第個區, 就會嚟呢間, 貪其靜局, 唔多人, 最正係熱辣辣大大個的麥包和足料羅宋湯自幾年前搬離深旺區後, 都好少再嚟, 上星期六, 去探奶奶, 又費時要佢煮, 就去番呢間食晚飯, 點知嚟到, 門口已企左幾個人, 嘩!! 要等位喎!! 三個人大概左20分鐘左右啦!! 見到門口張貼左一些影印的報紙專題報導, 原來見過報, 之所以旺左...因為餐廳細細, 坐得密密麻, 都幾嘈!!honey 要左佢o既例牌, 蒜蓉牛柳七成熟, 我叫鮮茄豬扒意粉, 奶奶叫生炒牛肉飯 (唔跟包) --- 這幾樣以前都叫過麥包仲係大大個, 不過可能人多, 無以前咁熱, 不過仍然是軟熟的羅宋湯, 都無以前咁多料, 茄膏味多左, 少左牛腩和檸檬葉的香氣生炒牛肉飯到來, 燈光昏暗, 都見到粒粒飯都油光滿面, 牛肉碎很少很少鮮茄豬扒燴意粉來了, 沒有鮮茄喎, 得橙橙地的茄味獻汁, 豬扒入口即溶, 鬆肉粉落了好多多, 沒豬扒
自幾年前搬離深旺區後, 都好少再嚟, 上星期六, 去探奶奶, 又費時要佢煮, 就去番呢間食晚飯, 點知嚟到, 門口已企左幾個人, 嘩!! 要等位喎!! 三個人大概左20分鐘左右啦!! 見到門口張貼左一些影印的報紙專題報導, 原來見過報, 之所以旺左...
因為餐廳細細, 坐得密密麻, 都幾嘈!!
honey 要左佢o既例牌, 蒜蓉牛柳七成熟, 我叫鮮茄豬扒意粉, 奶奶叫生炒牛肉飯 (唔跟包) --- 這幾樣以前都叫過
麥包仲係大大個, 不過可能人多, 無以前咁熱, 不過仍然是軟熟的
羅宋湯, 都無以前咁多料, 茄膏味多左, 少左牛腩和檸檬葉的香氣
生炒牛肉飯到來, 燈光昏暗, 都見到粒粒飯都油光滿面, 牛肉碎很少很少
鮮茄豬扒燴意粉來了, 沒有鮮茄喎, 得橙橙地的茄味獻汁, 豬扒入口即溶, 鬆肉粉落了好多多, 沒豬扒味, 意粉是一貫茶餐廳烚過火稔晒咁, 成個意粉都入得口, 不過真係唔好食囉... 想食o既話, 不如去食一哥出品吧啦..
蒜蓉牛柳都到了, 是全熟的, 不是order 的七成, 也比以前細件左, 連蒜蓉都少左.. 义了一少塊試下, 味道還可以...
講真, 因為以前成日嚟, 所以有得比較, 也有主觀願望, 所以都幾失望, 出左名, 多左生意, 反以質素差左; 或者係自己唔化, 依家樣樣都貴, 人地無加價, 當然要將貨就價啦... 都係以前未咁出名嗰時, 貨真價實外, 味道質料都好過依家好多好多....
客觀以言, 幾拾蚊食個扒, 有大大個熱辣辣包和杰杰紅湯, 仲有餐食, 可以話抵食, 如果去開該區, 或者住附近, 順個便去食, 就無所謂, 不過唔好再叫炒飯和鮮茄XX意粉, 呢D第度都食到仲好...... 如果話專程去試, 喺第個區專登去食, 咁可以慳番時間和水腳... 不如就近大字頭快餐店度食都得...
或者有人想 down to earth, 試下懷舊港式西餐應啦...
Post