Read full review
2019-10-17
2974 views
今次同左幾位朋友一齊黎試下呢間意大利餐廳，喺Openrice見好多好評,，而我地食星期五晚，所以就決定訂定位先~~呢間餐廳位於SoHo， 經過一條樓梯就會上到去。一上到去就見到座無虛席，真係好在有訂位，好快就可以入座了。餐廳地方闊落，雖然比較暗，但係裝潢好有格調，加埋悠揚嘅背景音樂，而且侍應都好attentive，整體環境都令我地坐得好舒服~ 如果係呢度慶祝生日/ 重要日子一啲都唔失禮呀! 講返食物先，呢度嘅意粉係handmade，聞落已經覺得好惹味。入口彈牙，軟硬適中，而且啲sauce好均勻地包裹住每條麵條， 唔會好似出面食果啲咁食到最尾冇晒汁，呢度係每啖都好creamy。令人一試難忘!我朋友就覺得Ravioli (意大利雲吞)好正，上面白色一片片嘅係當造嘅白松露，朋友食得出話呢度嘅白松露超級新鮮。我地仲叫左另一款意粉上面都配有白松露，香氣馥郁，下次都要再叫返~最大嘅加分位係佢啲Steak! 我地叫左medium rare，啲牛好淋，咬落好juicy好重牛味，配埋4種醬汁，我地都覺得啲醬汁好正! 不過就算唔沾醬本身啲Steak都已經好好味啦~ 埋單價錢唔貴，食材都好新鮮。網上預先Bo
呢間餐廳位於SoHo， 經過一條樓梯就會上到去。一上到去就見到座無虛席，真係好在有訂位，好快就可以入座了。
餐廳地方闊落，雖然比較暗，但係裝潢好有格調，加埋悠揚嘅背景音樂，而且侍應都好attentive，整體環境都令我地坐得好舒服~ 如果係呢度慶祝生日/ 重要日子一啲都唔失禮呀!
講返食物先，呢度嘅意粉係handmade，聞落已經覺得好惹味。入口彈牙，軟硬適中，而且啲sauce好均勻地包裹住每條麵條， 唔會好似出面食果啲咁食到最尾冇晒汁，呢度係每啖都好creamy。令人一試難忘!
我朋友就覺得Ravioli (意大利雲吞)好正，上面白色一片片嘅係當造嘅白松露，朋友食得出話呢度嘅白松露超級新鮮。我地仲叫左另一款意粉上面都配有白松露，香氣馥郁，下次都要再叫返~
最大嘅加分位係佢啲Steak! 我地叫左medium rare，啲牛好淋，咬落好juicy好重牛味，配埋4種醬汁，我地都覺得啲醬汁好正! 不過就算唔沾醬本身啲Steak都已經好好味啦~
埋單價錢唔貴，食材都好新鮮。網上預先Booking仲有50% OFF 優惠，以呢個質素+ SOHO區來說，CP值真係好高，絕對會再返來試!!
Post
