台灣館 (Closed)

得寶商場都好多野食，見呢到都幾多人食，主打台灣小炒，又有港式菜。叫左2個送再加白飯，台式三杯雞好香好濃味，仲有紫洋蔥，食落好入味。有少少似香港既雞煲，雞件全部都好入味，岩曬用黎送飯。豆角炒肉末有少少辣，入面仲有黃，紅椒，好多蔬菜，肉末偏重口味，所以用黎撈飯就岩岩好! 野飲方面，叫左杯椰島珍珠奶茶同埋冷泡烏龍茶，烏龍茶好濃! 珍珠奶茶好重椰汁味，又幾好飲，珍珠仲好有咬口添。重點係呢到價錢好OK，晚餐黎講都唔算貴！