2個人叫咗花雕麻油雞湯麵、台式四寶飯 +$14有嘢飲叫咗杯熱嘅仙草奶茶同愛玉鳳梨綠茶。2個小食炸花枝丸，府城蝦卷，芋圓仙草凍。迷你甜品跟餐一樣+$14。埋單$29x 以灣仔區嚟講晏就飯好抵～
花雕麻油雞湯麵，個酒係可以自己鍾意落幾多就幾多份量。聞落好濃香入秋涼涼地進補都好岩食雞都幾厚身🤤菇身亦好厚好大隻、而麵身又唔會太淋有口質。四寶飯主要係滷水嘢，有蛋、雞翼、豬耳魯肉都好入味連蛋整開一齊食好好送飯。佢哋嘅份量都大、順帶一提佢餐仲跟左前菜中華沙律、迷你甜薯同蕨餅👍 照顧哂前，主，甜，夠飽飽～
另外府城蝦卷好正唔係出面好實的的嘅蝦卷，食落唔太實唔太鬆散岩岩好而且有蝦味又唔會過火😋😋好味 。花枝丸食到粒粒花枝架🤤有口感又好味。 另外嘢飲方面熱嘅仙草奶茶茶底味係屬偏濃茶底味類別。如果鍾意淡身嘅建議飲凍嘅會好一啲。
