Video
Read full review
2023-08-01
72 views
喺荔枝角D2 Place有唔少小店，今次去呢間台灣小店，見到都好多人幫襯，可能因為價錢都好平民，選擇都幾多，而且仲係可以帶寵物嚟嘅餐廳，所以吸引咗好多附近上班族同埋居民。本身冇諗住食雞煲，但係見到一份全隻嘅雞煲只係買$138 ，覺得超級吸引，我哋就點咗麻辣口味，上菜嘅時候真係嚇咗一跳，估唔到$138有咁大煲，唔好期望佢係四川味道嘅麻辣，佢係台灣麻辣嗰一種多啲，都好欣賞佢放好多配菜例如香芹芫荽同埋蔥頭，雞件係有泡過油嘅，金黃色好靚仔，而且啖啖肉。另外都有嗌啲配菜當火鍋一齊食，我覺得蜂巢豆腐都係必點嘅，放落去入晒未係正。另外就點咗一個拌麵，滷牛肚同埋牛腱都好入味，而且有落乾蔥調味，口感好豐富。另外點左個肉燥湯青菜，清清地得來又有有啲功夫，幾好。我覺得呢度嘅飲品水準都幾好嘅，叫咗一個市面比較少嘅甘蔗清茶少甜，甜度非常適中，清清地唔會太甜，有時唔想飲奶茶嘅時候呢個係一個好選擇。總括嚟講呢度嘅嘢食都幾好嘅，平日簡簡單單唔想煮飯，又想平平哋食一餐，呢度係一個不錯選擇！
喺荔枝角D2 Place有唔少小店，今次去呢間台灣小店，見到都好多人幫襯，可能因為價錢都好平民，選擇都幾多，而且仲係可以帶寵物嚟嘅餐廳，所以吸引咗好多附近上班族同埋居民。
本身冇諗住食雞煲，但係見到一份全隻嘅雞煲只係買$138 ，覺得超級吸引，我哋就點咗麻辣口味，上菜嘅時候真係嚇咗一跳，估唔到$138有咁大煲，唔好期望佢係四川味道嘅麻辣，佢係台灣麻辣嗰一種多啲，都好欣賞佢放好多配菜例如香芹芫荽同埋蔥頭，雞件係有泡過油嘅，金黃色好靚仔，而且啖啖肉。
另外都有嗌啲配菜當火鍋一齊食，我覺得蜂巢豆腐都係必點嘅，放落去入晒未係正。另外就點咗一個拌麵，滷牛肚同埋牛腱都好入味，而且有落乾蔥調味，口感好豐富。另外點左個肉燥湯青菜，清清地得來又有有啲功夫，幾好。
我覺得呢度嘅飲品水準都幾好嘅，叫咗一個市面比較少嘅甘蔗清茶少甜，甜度非常適中，清清地唔會太甜，有時唔想飲奶茶嘅時候呢個係一個好選擇。
總括嚟講呢度嘅嘢食都幾好嘅，平日簡簡單單唔想煮飯，又想平平哋食一餐，呢度係一個不錯選擇！
Post
