陸陸雞煲火鍋 (Closed)

上星期日我與美人約定了一齊食雞煲同打邊爐，我哋選個近近地嘅地方嚟聚餐，今次揀咗去旺角白布行的“ 陸陸雞煲火鍋”。嘩~我哋打開餐牌見到陸陸雞煲火鍋海鮮套餐，由原價$380，現特價$298每位(兩位起)，海鮮要每日新鮮取貨，點都要試一試啦～海鮮套餐包括: 冷盤小食~冰鎮花螺。份量都算多，而且花螺好鮮甜，不錯。之後陸陸雞煲來了，職員為你細心烹煮翻熱， 全程用心照顧食客。雞煲份量都好多，而且仲炒得惹味可口。跟住到龍蝦湯出場，職員捧出大大隻的龍蝦及配菜，在你面前馬上加熱，加熱後龍蝦取出攤凍後可進食。套餐仲包海鮮鍋拼盤，有鮑魚、帶子、貴妃蚌、廣島蠔、蟶子、蜆、海鮮、魚片及蝦 。份量剛好，而且海鮮非常新鮮。火鍋配料有頂級牛肩胛片、豬肉片、手打蝦丸、手打墨魚、手打豬肉丸、魚皮餃、雲吞、水餃、白菜豬肉餃、韓式泡菜餃子、自製炸響鈴、炸魚皮、野菌類拼盤及蔬菜籃。真係抵食又好食， 海鮮肉類蔬菜，應有盡有，非常豐富，食到我哋兩個捧住個肚出門口呀。