伊賀日本燒肉料理 (Closed)

星期日，訓到王朝八晏，起身已是下午，換好衫同mr. monster出去行街食飯拍拖拖。知道佢鐘意食放題，一早Book左八點食日本野=)上到尼環境算好好 日式裝修，座位好大唔會覺得逼，台與台之間有屏風隔開 唔洗俾人眼望望！仲有露台，鍾意炭爐可以出去燒。落單係用tab落 唔洗用紙 所以幾環保 又無乜漏單 正！行街行到一身汗上到尼緊係要先下火！先叫野飲，$30蚊任飲烏龍茶、荔枝茶、檸檬茶、蘋果茶、冬瓜茶、Asahi，同店員講聲就可以響Tab度落單。我必飲至愛冬瓜茶♡♡單都未落，先上一個豪華刺身船，好浮誇！我中意！！而且好少可見到厚到哩個地步既三文魚，油脂比例適中，極之有誠意，蝦好大隻 啖啖肉爽口彈牙 鮮味十足！食幾啖野飲就到埋，算係好快。邊食邊飲就梗係唔好停繼續點埋燒物，可能程序啱啱好，食完刺身飲埋野基本上已經唔會覺得熱，可以開始燒野，每個爐都有抽氣 唔錯唔錯，唔會好大油煙。想翻本，燒野緊係要燒海鮮仲要唔洗加錢，先尼大大隻帶子同燒虎蝦，燒完唔縮水。再尼一口牛，記得落燒汁，燒完唔會乾，些少油份，入口即溶！食左肥脷野係時候食番d蔬菜中和下，兩種size既菇菇，一樣加燒汁燒，仲有燒菠蘿、一口薯等等