當日去到坐低落左order，大概等左接近25分鐘左右先上到。
Lunch time時段見到都有4、5個人排隊叫外賣。
麻辣個辣度我自己寫左BB辣，我就覺得似譚仔五小辣。🙈
正常份量既蒜蓉我覺得都偏多，係勁多蒜，成碗都勁重蒜味。lol
食落第一啖會食到有少少麻辣味，但之後就吾多覺食到個麻味，得辣味。
可能比個蒜味遮鬼左。
火鍋寬粉我第一次聽，食落我覺得就係扁身既紅薯粉，不過係要逐條逐條咁咬。
而牛筋四嚿入面有兩嚿偏硬、兩嚿軟腍。另外都有幾嚿指甲咁細既牛筋。我覺得不過不失咁。
午餐肉會有少少散開，可能煮太耐會有少少爛。
豬大腸乾淨，會有少少豬味。
雞翼正正常常，肉質吾會散開。
肥牛係正常肥牛。
個唐生菜吸晒個麻辣湯，非常入味。
豬皮有咬口吸曬辣湯同蒜香，超正，必試。
黑豚肉最推薦，豬味濃郁，但食落可能會有少少少少乾。
同埋個黑豚肉食落吾算熱辣辣，可能要浸住個湯浸多一陣。
