魚眾不同酸菜魚 (天一商場)

Open Now

Now Closed

近排成日都落雨，放假都唔想出太遠街，去屋企附近嘅天一商場搵嘢食算，今日就試咗呢間酸菜魚。蕃茄濃湯鱸魚片 :太太喜歡蕃茄，蕃茄濃湯就最啱佢，鱸魚片好嫩滑，無骨下食得好方便，配菜揀咗萵筍及豆腐，兩樣吸收晒湯汁份外好味，主菜嘅薯粉煙煙韌韌，永遠都係魚湯嘅最好搭檔。花膠濃湯雞煲 :一見到牆上面餐牌呢個雞煲，已經超想試。雞煲上枱時已經聞到濃濃嘅雞湯香味，雞湯鮮甜濃郁，有大大件花膠，雞嘅份量都幾多，食落鮮嫩，配埋米線每一啖都沾到雞湯，好味得黎又夠晒滋潤。主食加錢有飲品，特飲只係需要加$12，叫咗紅豆冰，紅豆份量都幾多，味道唔太甜，飲完透心涼。