水門雙拼雞飯
每次黎到都必叫既雙拼飯，首先會有個湯，好重胡椒味，我自己幾鐘意。雙拼雞係有白切雞同埋炸雞扒，唔同既雞配唔同既醬汁。雞件好滑，又冇雪藏味。炸雞配埋泰式甜辣醬，好好食。切雞件配酸酸甜甜既汁又好開胃。
豬肉丸肉碎扎肉金邊粉
第一次係到叫船河，原來都幾唔錯。呢款湯底係清湯，食落清清地，但又唔會無味，入面有D肉碎調味，仲有炸豬皮。豬肉丸仲好彈牙。
生菜包
肉碎單食幾辣，好惹味，紫洋蔥仲好香。肉碎包埋生菜就岩岩好，中和左個辣味。如果唔想食殿粉，叫一個生菜包都幾唔錯。
泰式檸茶用泰茶做底，幾有趣，感覺更fresh。
11
8
6
