二鍋頭 (福苑)

Open Now

Now Closed

前排同朋友去左食火鍋放題🍲環境幾寬敞，店內有雞煲、豬手煲、牛尾煲同羊腩煲任食，食完之後就可以再揀一個湯底打邊爐😺 見天氣涷，食返個羊腩煲暖暖身先，估唔到入面勁多羊腩，而且羊腩炆得好𣺉又入味🤤最重要係一啲羊臊味都冇，唔錯👍🏻我朋友又想食雞煲，雞煲就叫左少辣，但都已經夠哂惹味，雞肉幾嫩又入味，值得一試👍🏻肉類有豬、牛、羊、雞全部都有，但我地就叫左佢地既牛肉試下，有安格斯封門柳同安格斯牛板腱，兩款都幾重牛味，肉質又嫩滑🐮海鮮海鮮種類都算多，我地就試左墨魚仔同蜆，兩款都新鮮，蜆幾鮮甜，而墨魚仔就幾彈牙，仲有其他因為怕食唔哂就冇叫到😚最後食到好飽，飽到連甜品都冇食到，但用呢個價錢係抵食既🥰🥰🥰