浪谷 (AIRSIDE)

Open Now

Now Closed

Airside有好多餐廳，真係眼花撩亂，唔知點揀。朋友介紹呢間喺商場6樓，同室內滑浪場結合嘅餐廳。咁又幾特別喎，真係要開下眼界。餐廳分開幾個區域，如果想近距離睇人滑浪可以選擇前排嘅枱。而其他區域裝修都好靚，座位舒服，空間又夠。佢嘅午市套餐最平$100都唔使，有前菜加主菜仲有一杯嘢飲，真係幾抵。佢啲前菜比較迷你，不過味道都唔錯。主菜我就揀咗泰式醉鬼炒河粉。佢唔會炒得太油，河粉質地夠煙靭，都有幾多肉片，調味亦夠惹味，好食。不過要留意返，如果有人玩滑浪啲水聲都幾大，唔係好適合傾偈。