我哋當然主攻牛肉同豬肉,安格斯牛、封門柳入口即溶,肥瘦均勻,而牛坂腱牛肉味就最濃,牛脷心托較為爽口。呢度啲牛真係好高質素,食幾碟都返本!除咗牛肉,豬肉都好出色,必食西班牙豬肉,有少少脂肪,但又唔會太肥,切得夠薄,肉質軟林。另外有幾款火鍋配料都係呢度獨有,好似手作珍寶蝦丸,好足料,夠晒彈牙!蝦膠釀冬菇、手打麻辣豬肉餃、手打孜然雞肉丸全部都好特別同好味,放題來講都可以提供到更多特別嘅配料,真係用心經營!
除咗火鍋配料,出面仲有好多熟食同前菜才可以任拎任食,試咗南乳齋菜,南乳味好香,啲齋菜索晒啲南乳汁,好高質!






