火舞町 (Closed)

💚附送沙律+關東煮每份午餐都會送沙律同關東煮，沙律啲菜都好新鮮，好開胃，關東煮都煮得好好味，清湯好好飲，啲油豆腐都好淋好吸湯汁，魚餅又好有咬口，好好食！🧡豚肉大阪燒( lunch set )午餐嘅豚肉大阪燒都好大份，大阪燒嘅麵糊唔會太爛，煎完出嚟都仲好煙韌有嚼頭，大阪燒入邊嘅豚肉就腍腍地好好食，加埋燒汁沙律汁同埋木魚碎，成個味道配搭得好好！💛日式炒麵( lunch set )依個日式炒麵係海鮮炒麵，有蝦仁魷魚八爪魚呢啲配料，全部都好新鮮，炒麵用咗燒汁去炒，唔會太鹹，少少甜，加埋啲木魚碎片，好有質感！