Running 燒 (Closed)

旺角有好多不同食肆，除左酒店高層既餐廳，一般餐廳都冇乜景色，不過，呢間韓燒放題，除左抵食，景色亦不錯，可以望到旺角景色，非常開揚。中午去食呢間韓燒，位位只係$138，冇錯，係真．$138港幣就食到韓燒，真．抵~~ 仲要係任食(午市不包括海鮮及小食) ，對於怕肥女士，午餐可以食多少少都唔怕，午市放題係不俗的選擇~ 韓燒當然係唔少得肉類，雞牛豬肉都有，餐廳細心地將雞翼預先剪開，令到雞翼薄身d，燒得均勻啲，而且快熟啲，燒到皮脆，而且可以食得好有儀態，抵讚!豬頸肉厚肉多汁，好彈口，有質感。牛肉粒快熟多汁，一口牛肉好有口感，食落又方便，正。西冷扒牛肉味都算可以，薄薄一塊，不俗。餐廳有3種不同調味料提供，可以令燒肉有更多不同味道。除了肉類，仲有蔬菜可以揀，有青椒、茄子、冬菇，燒青椒好香口，好有椒味;茄子燒林左加少少調味料好入味；冬菇好多汁，菇味都幾香，燒蔬菜算不錯了。錫蘭檸檬茶淡淡錫蘭茶香配上清新既檸檬味，又唔太甜，非常喜歡。呢個價錢食到放題，實在好抵食，絕對可以encore~