1
餐廳提供各種粉麵、飯套餐及火鍋放題，火鍋湯底除咗雞煲，仲有酸菜魚、烤魚煲、麻辣燙及各款雞湯煲，其中至尊、花甲、魷魚雞煲可加雞件。
9
叫咗中辣嘅至尊惹味雞煲，平日$178起可以任食兩個鐘，可任飲各款飲品或汽水。
1
雞煲比較乾身，火候好夠，帶有焦香嘅味道。雞件份量好多，亦有大量洋蔥、芫荽。雞件入味而且好惹味，肉質濕潤嫩滑唔會柴，食到後期都唔覺得油膩。
由於第一轉雞件都比較多，我哋冇再添加雞件，轉咗個清湯煲打邊爐。火鍋配料選擇都幾多，水餃雲吞唔錯。另外比較特別嘅仲有炸饅頭及油炸鬼，炸饅頭外皮酥脆、內部鬆軟，配上煉奶好滋味。
飲品方面唔算多，汽水可以出面自己拎，其他飲品可以同店員講。比較推介羅漢果杞子菊花茶，好清甜，清熱解渴。
總括而言係性價比高嘅雞煲放題。
