大滿喜日本料理 (Closed)

今日難得放假約咗朋友出嚟一齊食好嘢，揀咗觀塘好近地鐵站嘅一間大滿喜，最鍾意放題咩都有得食，各自都可以食到最喜愛的菜式。午市有唔少人幫襯，但座位闊落，坐得幾舒服，事不宜遲即刻食個沙律作為頭盤，成個沙律吧都有唔少蔬菜選擇，最特別嘅係有紫薯仔，仲有好多款唔同醬料選擇。作為刺身迷，一坐低就好唔客氣咁叫咗一大盤刺身，要讚下呢度嘅三文魚，厚肉之餘脂肪分布均勻，一咬落去滿口魚香，幾有三文魚鮮味，其他刺身都食得出好新鮮，帶子有冇鮮味就一見高下啦。之後叫咗個沙嗲豬肉,雖然味道幾好，的確己有咖喱香料味，但係整體口感略嫌太乾，唔夠醬汁...另一個值得推介嘅係榴槤炸彈，真係新鮮熱辣辣炸出嚟好香口，外面脆卜卜，粉團厚度適中，裏面真係有流心嘅榴槤肉，真心推介俾大家。整體來講包埋甜品質素幾好，性價比極高，特別係刺身已經回晒本，值得推介。