早兩日同老婆食lunch，搵下搵下，見到呢間，門口有張poster，午市套餐 $26，有無咁旬呀？好耐無食過上海客飯，幾十元試下無防！
五個選擇，選左兩個最常食的回鍋肉及糖醋魚柳。
回鍋肉：雖然唔可以話非常好，但以午市套餐加上呢個價錢，算幾抵食，半肥瘦豬肉份量足，唔會好似有d鋪將貨就價，肉就得兩三片，仲係全瘦肉。
糖醋魚柳：都係果句，以午市套餐加上呢個價錢，都可以話無野好彈，雖然明知唔係即叫即做，但味道賣相都幾好。
仲有個湯，一般餐湯我都唔會飲，但佢地個湯又幾ok，睇得出係有誠意之作。:)
一飯一湯一送，環境ok ，招呼ok， 價錢 $26+$3茶錢，共$29埋單，值得推！
