All I Wana Eat

灣仔街坊話有間新開嘅一人火鍋，今日同同事一齊，趁仲有四人限聚，一行四人食一餐午餐。

火鍋同火山石燒係日韓系列，午市$78起。

午市定食餐牌

豚肉火鍋有兩盤豚肉，蔬菜同肉丸籃，湯底可以揀泡菜鍋或者牛奶鍋，我哋揀咗泡菜鍋。一人食感覺清爽乾淨。加$8仲有嘢飲，同事揀咗個抹茶紅豆冰，我就飲咗薏米水，唔太甜亦都清熱。

豚肉涮涮鍋一人前

$88

白飯任裝之餘仲有飯素

火山石燒極上牛小排，有我喜歡嘅芝麻汁沙律菜，牛小排放喺火山石上面燒，食到後來都仲有溫度，響寒冷嘅日子特別開心。牛排好厚，夠大份。我試過幾間火山石燒包括牛極同另一間，我比較欣賞呢度，肉質唔錯之餘又有牛香，價錢都唔貴。

極上安格斯牛小排石燒

$118

近鏡睇，都的確唔錯。火山石燒嘅另外一個好處就係可以自行控制生熟度，喜歡熟啲就自己切薄牛扒再將薄片繼續燒，鍾意生食就直接切開食就OK。食慣西餐牛扒，用牛扒配白飯的確唔係好慣，但不失係新嘗試。

極上安格斯牛小排石燒

$118

價錢相宜坐得舒服又唔多人，係午餐嘅好選擇。下次真係有興趣試吓佢個晚市任食。