小麻吉滷肉飯 (Closed)

成條通菜街都有好多唔同菜式既餐廳，要突圍而出就要諗方法。尼個餐廳外牆塗左黃色，非常sharp。重點係，廚師將台灣地道美食帶番黎香港，價錢經濟實惠之餘，仲一次過可以食到幾款高質台灣小食。每個set$60，除左叫要加錢既餸，另外跟餐配有貢丸湯。叫左肉燥湯麵，入味滷豬手，滷水豬腸拼豬耳(加$2)。另一個叫左肉燥飯(加$2)，鹽酥雞，夜市小香腸(加$2)。跟set加錢有飲品。肉燥湯麵好大碗，正常女仔食會食唔哂，而且湯底清甜唔鹹，肉燥入味。入味滷豬手一份有3大件，滷煮完甜甜地，而且好Q彈，好多骨膠厚，清理豬手方面亦做得唔錯。滷水豬腸拼豬耳(加$2)望落細細碟，但堆滿成個碟，食極都仲有。不過個人覺得可以唔駛太多醬汁，因為已經好入味。肉燥飯(加$2)比湯麵相對上細碗d，但肉燥份量都一樣咁多，送飯一流。鹽酥雞炸粉皮薄，雞件炸完依然有肉汁唔乾身。夜市小香腸(加$2)就好似係台灣食到既香腸一樣，甜甜地。跟餐配有既貢丸湯唔可以睇少，湯唔鹹，而且配料足。每個set仲要幾件涼伴黃瓜添。整體，好有台灣風味，而且好用心煮，價錢比起其他台灣菜館平好多，重點係好食好多添。而且份量好多，估唔到食唔哂，滿足。